ភ្នំពេញ៖ នាយករដ្ឋមន្ត្រីកម្ពុជា សម្ដេចតេជោ ហ៊ុន សែន បានស្នើដល់ប្រទេសជប៉ុនឲ្យជួយទិញផលិតផលពីកម្ពុជា ជាពិសេសទៅលើផលិតផលកសិកម្ម។ ជាមួយគ្នានោះ សម្ដេចក៏ជំរុញឲ្យជប៉ុនសិក្សាបង្កើតនូវកិច្ចព្រមព្រៀងពាណិជ្ជកម្មសេរីជាមួយនឹងកម្ពុជា FTA បន្ថែមលើកិច្ចព្រមព្រៀង RCEP ដែលកំពុងតែមាន។

សម្ដេចបានលើកឡើងបែបនេះនៅក្នុងកិច្ចប្រជុំជាមួយនឹងនាយករដ្ឋមន្ត្រីជប៉ុន លោក គីស៊ីដា ហ្វូមីអូ និងបានថ្លែងប្រាប់អ្នកកាសែតនៅក្នុងពេលធ្វើសន្និសីទកាសែតនាយប់ថ្ងៃទី២០ ខែមីនា ឆ្នាំ២០២២។

បច្ចុប្បន្នកម្ពុជាមានកិច្ចព្រមព្រៀងពាណិជ្ជកម្មសេរីជាមួយនឹងប្រទេសកូរ៉េ និងប្រទេសចិន ខណៈដែលភាពជាដៃគូសេដ្ឋកិច្ចទូលំទូលាយនៅក្នុងតំបន់ RCEP បានចូលជាធរមាននៅដើមឆ្នាំ២០២២នេះ៕